litla mús í baði

bangsastelpa

love it

allt nema að ég var að byrja að horfa á ER þátt sem verður ekki sýndur hér strax ... en þetta var nú útúrdúr - það sem ég ætlaði að segja var þetta : ég er endalaust þakklát fyrir lífið mitt - ég er trúlofuð manninum sem ég elska útaf lífinu, ég á tvö heilbrigð, falleg og dásamleg börn (fæ ennþá gæsahúð þegar ég hugsa/segi/skrifa "ég á tvö börn") - ég ætla ekki að fara að vera með einhverja þakklætisræðu eins og ég á til - en það sem ég er að reyna að koma frá mér er það að ég er sátt, sátt við mitt, mig langar ekki að vera neins staðar annars staðar núna, ég er öll á sama stað, hugur, hold og hjarta - og það er ótrúlega eftirsóknarvert fyrir mig, að vera hér og nú ... góða nótt

hætt þessu bloggi

það nennir hvorteðer enginn að lesa - amk ekki ég :)

er allavega ekki í neinu bloggstuði þessa dagana - er að gera myndasíðu fyrir Kötlu Sóley, hún verður læst en endilega sendið meil á [e-mail] og ég sendi slóð og password um hæl

brjóst&bleyjur

esg

Katla Sóley í rosalegu stuði

17 daga

Tvær vikur

Litla ljósið er tveggja vikna í dag - mér finnst samt að ég hafi bara átt hana alltaf - hún er búin að vera með magakveisu þessi elska, byrjar að góla seinnipartinn og sofnar svo um miðnætti, alveg búin á því ... en hún sefur líka nánast alla nóttina og fram yfir hádegi - þannig að ég kvarta ekki

Við erum búin að hafa það óskaplega kósí, stóri bróðir er hjá pabba sínum, við gömlu höfum bara notið lífsins, glápt á bíó á kvöldin og knúsað litlu mús - þetta er lífið

Ég er búin að fá einkunnir - tvisvar 7,5 og eina 8,5 - mjög sátt

Set inn mynd síðan 18.mars - við erum greinilega ekki alveg nógu dugleg að taka myndir ...

föstudagur

voðalega líður tíminn - dóttir mín er að verða tveggja vikna ... hér hefur verið lítið um að vera nema brjóstagjafir og bleyjuskiptingar, ég reyni að sofa með henni lúrana hennar, ég er svona um það bil að verða komin á rétt ról, að verða búin að vinna upp svefninn - ég er samt ekkert sérlega orkumikil, þarf að fara að komast út í göngutúr, fröken er búin að vera frekar kröfuhörð og hanga á túttu mestallan daginn, mig grunar að það sé eitthvað smá magavesen á henni þessari elsku - annars erum við foreldrarnir enn þeirrar skoðunar að ekki hafi fæðst fallegra barn á þessari jörð og þó víðar væri leitað, erum algjörlega dolfallin og yfir okkur hamingjusöm með hana - stóri bróðir er voða hrifinn af henni líka, hinsvegar er hann frekar upptekinn þessa dagana þar sem pabbi hans er á landinu - við ætlum að fara með litlu frú í heimsókn til langömmu sinnar á morgun, hún hefur ekkert farið út nema í fimm daga skoðunina, hefur sossum ekkert út að gera barnið, en við ætlum að skjótast til gömlu konunnar svo hún þurfi ekki að koma hingað og arka stigana, þó að hún færi nú örugglega létt með það, sjóndöpur konan sem fer allra sinna ferða í strætó, komin hátt á níræðisaldur - já dóttir mín er af miklu kjarnafólki komin, langafi hennar er jafngamall og fer um allt á reiðhjóli með sinn hjálm og hliðartösku ... ég set inn eina mynd sem við tókum í gær (af litlu, ekki afa á hjólinu)

eins og sést hefur bæst aðeins utan á þá stuttu, komnar bollukinnar og þessi fína undirhaka - hafið það gott um helgina

ég á afmæli

og í dag er ég þakklát fyrir marga hluti

• að vera orðin 35 ára - ég þekki marga sem ekki hafa náð að lifa það að verða 35 ára
• að eiga tvö heilbrigð og fullkomin börn - það eru margir sem ekki hljóta þá gjöf, því miður
• að eiga mann sem elskar mig, sér fyrir mér og er mér sálufélagi og vinur
• að eiga vini sem standa með mér í blíðu og stríðu
• að eiga þak yfir höfuðið
• að eiga mat í ísskápnum
• að hafa ótakmarkaðan aðgang að hreinu, heitu og köldu vatni
• að geta farið út í búð og keypt það sem mig vanhagar um
• að ég á allt sem ég þarf, og get fengið allt sem mig langar í
• að eiga að baki lífsreynslu(r) sem gera mig að þeirri manneskju sem ég er í dag
• að vera læs
• að eiga þess kost að mennta mig
• að geta hjálpað, hjúkrað og líknað öðrum
• að geta verið til staðar fyrir fólkið mitt
• að vita að fortíðinni get ég ekki breytt og að framtíðin er óskrifað blað

ég á frábært líf í dag og myndi ekki skipta því út fyrir neitt - nei, ekkert

 - megir þú eiga fallegan dag í dag og fá að njóta hans með þeim sem þér þykir vænt um - 

sko

sko ég bara hef ekkert að segja, er bara svo hugfangin af litlunni minni