Föstudagur

14.12.2007 | 10:04

og við mæðginin liggjum bara undir sæng að kusa okkur og læra, enda ekki hundi út sigandi og því síður óþekktarormum...ég svaf eins og engill í nótt, var sofnuð um hálfellefu og vaknaði hálfátta, alveg undursamlega vonderfúlt...mál málanna í dag eru heimspekileg forspjallsvísindi...ég er að reyna að temja gleði mína...en ég ætla samt ekki að gleyma að minnast á andlegan jafning gærdagsins...þannig var að ég fór í byko til að kaupa perur sem er ekki í frásögur færandi nema hvað að ég ákvað að kíkja í hilludeildina þar sem sænska búðin klikkaði á hilludótinu fyrir herbergið hans JJ...og hverja hitti ég í hillunum nema hana Ingu mína og dró hana með mér að skoða þetta, nema að þá segir hún bara, heyrðu við Elaine vorum að flytja og erum með hillur sem við þurfum ekki að nota...og það voru akkúrat hillur eins og mig vantaði...þannig að ég brunaði vestureftir til þeirra meðan Elsa var að káfa í hausnum á kærastanum mínum og sótti hillurnar sem eru pööörrrfekkkt og einmitt það sem mig vantar í herbergi drengsins, þannig að í staðinn fyrir tíuþúsund kall + fyrir öllu þarf ég bara að kaupa eitt lítið borð á fimmtánhundruð til að setja undir sjónvarpið...þvílík snilld, fékk líka eina hillu að auki sem ég ætla að setja fyrir ofan sófann í stofunni, hún er hvít og á henni verður bara glingur, dúllerí og slíkt...svo tók ég ákvörðun í gærkvöldi að ég ætla að kaupa mér einhvern jólahlut fyrir jólin, ég hef ekki keypt mér jólastöff (fyrir utan eina og eina seríu) í mörg ár...og ég á það skilið Halo Ástkær ástmaður minn ætlar svo að setja hillurnar upp um helgina, við ætlum til mömmu hans og pabba í kvöld og fá lánað hallamál og með'ðí...Gummi var svo rasandi hissa þegar ég sagði honum að hann þyrfti EKKI að koma með borvélina sína því að ég ætti ALLAR græjur...hún er ekki fædd í gær þessi kona, þó hún sé ungleg ... set inn áróðurslink dagsins hér að neðan ...