obbosí

afsakið en átti ekki að snúa við sólarhringnum þegar einkasonur byrjaði í skólanum?? jújú það var stefnan en þetta var nú bara einn dagur og allar þær afsakanir, hann sjálfur sofnaði ekki fyrr en rétt fyrir tólf og það í mömmu sinnar holu ... þetta er auðvitað barnaverndarmál ... ég er semsagt enn vakandi klukkan hálftvö en ætli það sé ekki vegna þess að ég svaf lengi í dag, búin að vera ógeðslega lasin, samt finnst mér aðeins eins og doxytabið sé að slá á hálsbólguna en sjitt hvað ég er stífluð og kvefuð ... búin að liggja í bælinu með þvottapoka fyrir snýtuklút, mjög sexí ... enda forðaði ástmaður minn sér heim til sín þegar hann var búinn að gefa syni mínum að borða og fara með hann í last minute tilraun til flugeldakaupa ... auðvitað var búið að loka alls staðar en þeir fengu þá bonding-bíltúr í staðinn ... sem er gott ... í morgun var hann svo búinn að fara í búðina fyrir mig OG vaska upp, en það hafði ekki verið gert síðan snemma í síðustu viku ... segi ekki meir ... vá ég er svo hamingjusöm og þakklát fyrir að hafa hitt þennan gullmola, ég bara skil ekkert í því að hann skuli ætla að endast með mér, eins og ég er rugluð ... en talandi um ruglu, ég held ég verði að fara að sofa núna, alveg búin á því, verð að vakna með einkasyninum í fyrramálið og koma honum af stað í skólann ... geispedí geisp góða nótt