billibillibíbb ammæli

17.3.2008 | 12:45

ég á semsagt afmæli í dag, er orðinn þrjátíu og fjögurra ára ... sem ég er mjög þakklát fyrir því að ég þekki slatta af fólki sem hefur ekki einu sinni lifað til að verða þrjátíu og fjögra ... ég er ofsalega lukkuleg að hafa þegið náðina og fengið að lifa einn dag í einu í bata ... bata sem ég ber sjálf ábyrgð á að viðhalda og næra ... ég man eftir flestum afmælisdögunum mínum, oft leyfði ég mér að liggja í ömurlegri sjálfsvorkunn að bíða eftir því að einhver hringdi í mig til að óska mér til hamingju og skildi ekkert í því afhverju allur heimurinn var ekki settur á hóld í tilefni dagsins ... 21 árs fór ég til útlanda á afmælisdaginn minn og það var mesta subbuferð sem ég hef farið í ... 23 ára fór ég út að borða, komin átta mánuði á leið og borðaði svo mikið að ég vakti alla nóttina, enda ekki pláss fyrir þríréttað í mallakút sem var undir þrýstingi frá risastórum krakka ... 22 ára hélt ég afmælis/innflutningspartí og fékk m.a. potta&pönnur sem ég er enn að nota ... á tvítugsafmælinu mínu sparkaði mér strákur sem ég var óg.skotin í ... 28 ára var ég í meðferð á Vík á Kjalarnesi ... í fyrra hélt ég stelpupartí og svo fórum við út að dansa salsa ... 19 ára var ég í ameríku ... 4 ára var ég á kanarí og var berrössuð með hatt í afmælisveislunni ... þrítug hélt ég fimmtíu manna veislu og fékk hjól frá bræðrum mínum ... þegar ég fæddist var óskaplega gott veður og amma Ásta þreyttist aldrei á að segja mér frá því hvað það var fallegur dagur ... þannig að í það heila hef ég átt frábæra afmælisdaga, spurning um hvað gerist ef við skellum þeim saman í einn ... komin átta mánuði á leið berrössuð með hatt í subbuferð í meðferð í ameríku með fimmtíu manna innflutningspartí ... úff þetta hefði orðið of mikið álag, eins gott að maður fær að eiga afmælisdag einu sinni á ári ... jæja ætla að fara að elda mér egg og beikon í hádegismat í tilefni dagsins ... talandi um eldamennsku, ég er búin að vera eitthvað svo hissa afhverju það loftar svona hjá mér, þar sem ég borði nú engar baunir ... borða reyndar soyahveiti á hverjum degi ... uuu úr hverju ætli það sé búið til ... soya BAUNUM kannski ?? Ljóska og stolt af því ... til lukku með mig elskurnar Heart