þreytt

5.6.2008 | 23:01

er eitthvað voðalega þreytt og svæf þessa dagana ... en er samt ekkert að sofa allan daginn, þannig, dottaði í litun&plokkun í morgun og lagði mig svo fyrir kvöldmatinn ... rosalega stolt af drengnum mínum sem kom heim með medalíur eftir sundmót og níu í ensku og heimilisfræði ... hann byrjar í línuskautaskólanum á mánudaginn og er ofsa spenntur ... ég er að vinna mikið um helgina og því verða þeir gúmmífeðgar tveir í kotinu ... ég er svo full af þakklæti og gleði yfir því hvað þeir ná vel saman og hvað Gummi er góður við hann og þolinmóður jésús pjétur minnstu ekki orði á það ógrátandi ... hann bætir svo innilega upp fyrir alla mína óþolinmæði og almennt óþol gagnvart drengnum mínum, sem er auðvitað augasteinninn minn og ég elska hann út af lifinu en við erum nú búin að vera tvö ein í svo mörg ár að við erum eins og gömul hjón ... tengdapabbi ætlar að koma um helgina og þeir ætla að koma ofninum í gagnið, keyptum semsagt nýjan ofn í vikunni, það fyrsta sem verður eldað í honum verða rófufranskar og pizza við fyrsta tækifæri, ég er komin með svæsin fráhvarfseinkenni ... er að hugsa um að fara að koma mér í háttinn (orðin syfjuð aftur) og eiga svo góðan dag með drengnum mínum á morgun áður en tryllingstörnin hefst annað kvöld, er sko á kvöldvakt á morgun, morgun+kvöldvakt á laugardaginn, kvöldvakt á sunnudag og morgunvakt á mánudag ... verð þreytt bara við tilhugsunina ... en bara gaman ... heya heya

Flokkur: Bloggar | Facebook