lítill í sér

einkasonur gleymdi að smyrja sér nesti í gærkvöldi, eins og gerist á bestu bæjum ... í morgun fannst honum þess vegna tilvalið að hann fengi að fara í bakaríið að launum fyrir þessa yfirsjón ... við gömlu hjónin vorum ekki sammála honum, ég skellti loku í nestisboxið og málið var dautt frá mínum bæjardyrum séð ... þegar ég var komin út í í bíl hringdi sá stutti og eftirfarandi samtal átti sér stað ...

hann : mamma, af því að ég fékk ekki að fara í bakaríið og allt það , þá er ég svoltið lítill í mér og ætlaði þess vegna að spurja ... hérna ... ekki vera reið ... hvort ég mætti fá litlukallaost?

ég : ha? litlukarla ost?

hann : já svona ost fyrir litla karla sem eru litlir í sér 

ég : ha??

hann : já rjómaost 

hér var ég orðin fjólublá í framan af hlátri ... takk í dag ... ég vona að barninu hafi ekki orðið meint af því að borða gamalt brauð með hvítlauksrjómaosti í morgunmat ... ég er allavega fegin að þurfa ekki að sitja við hliðina á honum í skólanum í dag ...

Athugasemdir

[Helga Dóra, 14.10.2008 kl. 09:55]

Hann er bara yndislegastur.....

[Marilyn, 14.10.2008 kl. 11:17]

Djísuss hann er svo sniðugur.

Mín kom heim eftir að hafa leikið sér hjá vinkonu sinni í næstum 2 klst. og varð brjáluð yfir því að barnaefnið væri búið, "ég vil fá að koma heim og horfa á sjónvarpið í friði!" hrópaði hún og þóttist ætla að skella hurðinni á eftir sér inn í herbergi. 

[Elín Sigríður Grétarsdóttir, 14.10.2008 kl. 11:19]

þetta eru snillingar sem við eigum!!

[Ómar Ingi, 14.10.2008 kl. 12:36]

[Brussan, 14.10.2008 kl. 19:08]

guð hvað hann er frábær....alger moli

[Kristborg Ingibergsdóttir, 14.10.2008 kl. 23:08]

Algjör dúlla :o)

[Sykurmolinn, 15.10.2008 kl. 12:30]

Ha ha ha cuty  litlukallaostur er frábært nýyrði!

[Jóna Á. Gísladóttir, 16.10.2008 kl. 14:35]

Óh hvað þetta er sætt . Litlukallaost!! ótrúlega dúllulegt. Hann hefur örugglega notið gamla brauðsins með hvítlauksostinum. Hefur verið plástur á litlukallasárið