versta nótt lengi

ég sofnaði rétt um miðnætti, var ofsa þreytt ... um hálf fimm leytið vaknaði ég við eitthvað píp, svona vekjaraklukkupíp ... það var ekki í minni íbúð, ég leitaði um allt ... nema hvað, þetta píp hætti ekkert, pípti á nokkurra mínútna fresti og alltaf jafn hátt ... klukkan hálfsjö vaknaði svo unnusti minn við þetta (og bröltið í mér) og þá var ég orðin svo óheyrilega þreytt og ergileg yfir þessu að ég fór að hágráta með þvílíkum ekkasogum að manngreyið vissi ekki hvaðan á sig stóð veðrið ... ógeðslega var ég orðin pirruð á þessu ... um sjöleytið heyrði ég að konan á neðri hæðinni (sem ég var á þessum tímapunkti farin að hugsa þegjandi þörfina, upphátt og í hljóði) kom heim og slökkti á pípinu ... ég held hún beri út blöð og/eða vinni á nóttunni og hefur pípið greinilega verið aleitt heima ... ég náði svo að sofna í hálftíam og lagði mig svo þegar piltar voru farnir að heiman í morgun, svaf til tíu ... nú ætla ég að hella mér í lífeðlis og reyna um leið að ná úr mér hrollinum ... er nokkurn veginn viss um að ég sé að detta í hina reglubundnu prófaflensu mína ... haemophiluz influenzae profae ... vona samt að ég sé bara sybbin

Athugasemdir

[Helga Dóra, 2.12.2008 kl. 11:46]

Elsku kona, sendi þér stuðning með hugstrumpi..... Gangi þér vel að læra í dag.... Svo geturðu alltaf huggað þig við það að þú ert rúmlega hálfnuð í þessum hormónarússíbana.... Þetta er alveg að verða búið....

Svo mæli ég með því að þú biðjir frúnna á neðri hæðinni að taka vekjarann sinn með sér í vinnuna.... Hann grætur bara þegar hann er einn heima og leiðist mikið greinilega.... 

[Hulda Lind Eyjólfsdóttir, 2.12.2008 kl. 12:10]

Mér finnst að þú eigir að sparka í konuna næst þegar þú hittir hana...........það er það eina sem virkar á svona vekjarklukkubrjálæðinga

[Hugarfluga, 2.12.2008 kl. 13:58]

Úff, hvað ég get sett mig í þín spor! Maður má ekki við miklu þessa dagana. Var sjálf andvaka til 5 í morgun og á þannig stundum gefst manni alltof mikinn tíma til að hugsa ... og stundum ekki þægilegar hugsanir. 

Knús á þig.

[Kristborg Ingibergsdóttir, 2.12.2008 kl. 17:13]

Hrikalega óþægilegt að lenda í þessuVona að þú hafir átt fínan dag elskan

[Ómar Ingi, 2.12.2008 kl. 19:34]

Það sem ekki drepur þig herðir þig bara vinkona