hor

-món

ég get svo svarið það, ég held ég verði að hætta að lesa blöð og fara á netið, ég bara bókstaflega grenja yfir öllu ... voðalega eitthvað viðkvæm þessa dagana ... ég meina kommon, ég er hörkutól, ég stend ekki í þessu veseni ... eða jú annars þetta er allt þess virði ... svo er gott að vola, maður verður svo hreinn eftir góðan grát ... en núna ætla ég að fara að taka í taumana á heimilisfólkinu, klukkan er að verða tólf og það þarf að ræsa eldsnemma til að taka á móti gullinu ... ps, ég sleppti matarsódanum í pönnsunum í morgun og svei mér þá, það hefur ekki bærst hár á höfði ... 

ég vil

einkunn ... strax

ég er að fara í innkaupaferð með syni mínum að kaupa skóladót, ætla að koma við í seglagerðinni og gá hvort þeir eiga einhverjar flíkur sem ég gæti troðið mér í ... kannski gott hjólhýsi ... sko ÉG VEIT að ég er ekkert feit ... hef örugglega þyngst smá enda borða ég eins og togarasjómaður til að leyfa baby að vaxa og dafna ... en síðast þegar ég vigtaði mig var ég 72kg og það er ekki yfirþyngd (nema maður sé 110cm á hæð kannski) ... mér finnst bara svo fríkað að vera með þennan haus sem er bara allan daginn að reyna að segja mér að fyrst það er aðeins farið að þrengjast um inni í flíkum sökum óléttu þá sé ég bara komin aftur yfir hundrað kíló og vaggi í gegnum lífið ... ég hugsa að sama hvernig á það er litið sé ekki fræðilega mögulegt að þyngjast um 30 kg á þremur vikum (síðan ég vigtaði mig) ... þetta er svona mitt aðal challenge í dag, og mér finnst þetta verðugt verkefni og nú sé ég hvað andlegi batinn er óóótrúlega mikils virði, ef ég hefði orðið mjó eftir öðrum aðferðum en raun ber vitni og hefði ekki fengið heilaþvott og tiltekt í lasna haus í leiðinni væri ég farin á kfc með bragðaref á kantinum ... fyrir löngu  

ljóska

ég opnaði munninn áðan, eitt af þeim skiptum sem ég sá eftir því um leið og ég sá svipinn á manninum mínum ... ég sagði sko ... "ég get ekki sagt að þetta lið hafi neinu að tapa í þessum úrslitaleik, það skiptir sko engu máli hvort þeir fá gull eða silfur, árangurinn er samt ótrúlegur" ... mínum eigin manni var ekki skemmt og benti hann mér á það hvort ég héldi virkilega að einhver myndi muna hver vann silfrið í peking 2008 ... dísös ... rólegan ...

klukkan átta

var þotið fram úr og sett í vél, þrifið klósett, sett upp ný húsgögn í stofuna, allt ryksugað hátt og lágt, skipt á rúmum, sett í fleiri vélar, gert og græjað og nú má leikurinn fara að byrja ... áfram ísland

það var óráð ...

... að vaka og horfa á leikinn ... ég svaf ekkert í nótt og var algjörlega ónýt í morgun ... varð að fara aftur að sofa eftir morgunmat og svaf til tólf ... fór í prófið að sjálfsögðu, var næstum dáin úr stressi, en kláraði þetta af ... ætla ekki að segja orð um hvernig mér gekk ... hef ekki hugmynd um það ... nú bíður mín bara haugdrullugt heimili og það verður tekinn hvítur stormsveipur á það túmorró, ekki fyrr

við gömlu

erum að halda okkur vakandi, ætlum sko að sjá þennan leik, þó hann sé búinn og við vitum hvernig fór ... verðum örugglega alveg jafn spennt ... amk ég og fer örugglega að grenja þegar dorrit knúsar strákana, fór amk að grenja þegar ég las um það á einhverju bloggi í morgun ...

ú je

náði líffærafræði!

ekki blogg

þetta er ekki blogg, því að ég er með slökkt á tölvunni, ég er nefnilega að læra ... það er próf í lífeðlisfræði á morgun ... ég veit ekki hvaða kæruleysi þetta er ... en ég kann eitthvað og mun ná þessu próf, annað er ekki í boði ... einn tveir og koma svooooooo ... sjitt ég nenni þessu ekki ... eða nenni hverju?? ég er ekki að gera neitt ... ókei ókei ég skal fara að læra

kósí ...

... mennirnir mínir eru sofnaðir báðir tveir ... hér er ró og friður, uppþvottavélin malar í eldhúsinu og ég var að klára yfirferð yfir námsefnið ... einstaka öskur í stóra kisa að kvarta undan eldfjörugum litlakisa rýfur þögnina við og við ... þegar ég sit hér ein fer ég að hugsa um allt sem hefur breyst ... ég bý við öryggi í dag sem ég hef ekki þekkt áður á mínum fullorðinsárum, þetta er svolítið skrítin tilfinning, en þetta er tilfinning sem ég get alveg sætt mig við ... og ég veit að ég er búin að vinna mér inn fyrir því að eiga þetta skilið ... en ekki misskilja, það er klárlega ekki í mannlegum mætti, mínum eða annarra, að líf mitt hefur breyst svona mikið, það er mínum æðri mætti, samkvæmt skilningi mínum á honum, að þakka að ég á innihaldsríkt líf í dag ... ég þurfti að gera fullt og framkvæma, en kraftinn til þess fæ ég líka frá mínum æðri mætti og hann fann ég í gegnum tólf lítil spor ... en nú er best að bursta og fara svo að lúlla ... góða nótt og takk fyrir að lesa

ég er

sko að læra, er bara í sígó pásu ... sem er einmitt búin akkúrat núna