og ekki má gleyma drama dagsins

ég gerði pínuobbolítið chelsea grín ... guðmundur nefnilega hengdi liverpool handklæðið yfir málverk í gær fyrir leikinn  (ég var sko búin að breiða úr því í lazy-boy til að leyfa honum að sveipa sig því) og ég stakk uppá því áðan að taka chelsea handklæðið og hengja það við hliðina á ... svona í tilefni af þú veist "jafnteflinu" ... nei nei þegar hann var búinn að setjast ofan á mig og bora puttanum undir herðablaðið á mér og hóta að fara að heiman ... tók hann chelsea handklæðið og henti því ... niiður ruslarennuna ... að gefnu tilefni tek ég fram að guðmundur er elsti karlmaðurinn á heimilinu ... karlmenn og íþróttir

svar viðtaka og eftirbilsfrumu er búið

og svarið var ... já takk ! bla bla bla Fruma og frumulíffæri næst, þetta skotgengur ...

andleg vakning ...

fór á fund í hádeginu ... kom snemma ... fullt herbergi af nýliðum ... ég gleymdi að skilja dómaraskikkjuna eftir í bílnum, svo að ég fór að mynda mér skoðanir ... svo kom vinur minn og settist hjá mér og ég hrokaðist eitthvað ... "ertu hrædd við nýliða?" spurði hann ... njé eitthvað hóst og stuna sagði ég ... vakti mig til umhugsunar ... ég er fyrst og fremst þakklát ... til dæmis fyrir að vera ekki nýliði ... fyrir að vera minnt á það hvernig það er að vera nýliði ... ég er ógeðslega hrokafull (svona svona stelpur ég veit þetta kemur á óvart, en þetta er satt) ... ég var algjörlega stjórnlaus með öllu þegar ég var nýliði ... þegar ég var í meðferð á Vík var ég tekin á teppið, Siggi sagði "ef þú hættir ekki að ganga hér um grenjandi og skellandi hurðum, er ekki annað í stöðunni en að senda þig aftur á Vog, farðu að haga þér eins og fullorðin manneskja" ... þegar ég kom út, voru meiriháttar átök að mæta 2x í viku í Síðumúla í þrjá mánuði og svo einu sinni í viku eftir það í heila níu mánuði ... gamall karl sagði að fyrsta sporið í hnotskurn væri "be where you said you'd be, at the time you said you'd be there" ... mér tókst að læra það ... og bara svo mörg smá atriði sem færðu mér svo mikinn bata, komu mér í þetta "lágmarks jafnvægi" sem talað var um í meðferð ... ég hélt að málið væri bara að setja tappann í flöskuna og fara í húsdýragarðinn ... það er ekki málið ... málið er að taka leiðsögn, horfast í augu við sjálfan sig, gera hreint og koma hlutunum þannig fyrir að hægt sé að byrja á núlli við upphaf hvers dags ... nema hvað ... fékk semsagt andlega vakningu á þessum fundi ... þakklát vini mínum fyrir að spyrja mig þessarar einföldu spurningar og hvetja mig þannig til að afklæðast skikkjunni, dómaraskikkjan mín kemur nefnilega með eyrnahlífum og þegar ég er í henni heyri ég ekki það sem minn æðri máttur þarf að segja mér í dag ... húrra fyrir 12 sporum, húrra fyrir nýliðum, húrra fyrir botninum, húrra fyrir okkur ... pís át

börnin góð

hef ekki bloggað í dag því ég hef ekkert að segja, samt tala ég og tala ... magnað alveg hreint hvað hægt er að tala mikið og segja ekki orð af viti ... í dag er ég búin að ... borða morgunmat (ab&skyr og epli) ... mæta í skólann í tvöfaldan fósturfræðitíma ... kaupa batterí í vigtina mína, ég veit að það vantar slík þegar hún er farin að hoppa um 1-3 grömm ... borða hádegismat (soyapönnuköku og salat) ... lesa undir lífeðlisfræðiprófið ... leggja mig ... borða kvöldmat (lamb&hörpuskel og grænmeti) ... fara á fund ... kyssa karlinn minn ... tilkynna matinn minn og nú er ég að blaðra á msn við mína yndislegu vinkonu Helgu Dóru ... hugsa sér að það eru næstum fimm ár síðan við vorum leiddar saman í kringum glötuðukærastahelgina ...  erum búnar að eiga góða og ekki svo góða tíma síðan ... búnar að vera saman úti, saman inni og sittáhvað og alls staðar ... erum á sama stað í dag, vona að það verði þannig alltaf ... einn dag í einu ... elska hana út af lífinu

vefjafræði afgreidd

á að drepa mann?? kann þetta allavega ... best að halda áfram, það er af nógu að taka ... sonur minn er úti að leika sér ... karlinn að horfa á bolta ... enginn nennir að sinna mér eða trufla mig við lærdóminn ... er bara rekin inn aftur ef ég kem fram og kvarta undan ástleysi ... búhú ...

sef milli læra ...

... er nokkuð sem hægt er að túlka á margan hátt og hafa gaman að ... í mínu tilfelli er það svo að ég er að læra ... sofna á reglulegum basis og sef því ... milli læra ... fengum fólk í heimsókn í gær, skemmtilegt&fyndið fólk ... gaman að fá fólk í heimsókn ... sonur minn er búinn að vera úti að leika sér ... já ég sagði ÚTI ... bæði í gær og í dag ... ó hvað ég vona að hann haldi því áfram, hann er búinn að vera svo einangraður þessi litli kall og ég hoppaði af gleði að hann sé svona duglegur ... milli þess sem ég fæ illt í hjartað að hann lendi í ógöngum úti á leikvelli ... til glöggvunar fyrir áhugasama lesendur bendi ég á að drengurinn er ellefu ára, ekki tveggja ... þrátt fyrir það er naflastrengurinn enn traustur (mín megin sko) og ég voða lasin í hausnum þegar kemur að uppeldi og slíkum hlutum ... en núna ætla ég að hringja í sponsorinn minn og grenja út skipti á aukapróteini og ávöxtum ... pís át

gömlu hjónin

að horfa á fréttir, litla barnið úti að leika, gs pizza í ofninum, gestir í kvöld ... hljómar skelfilega normal huh?

verklegt próf í morgun

sem var nú meira munnlegt, ég dró fínan miða og kennarinn sagði að ég kynni þetta uppá ellefu ... það hefði verið alveg sama hvað ég hefði spurt þig ... þú ert svo örugg ... uuu já miss pókerfeis ... drullufegin að hafa dregið svona létt ... allavega þá er þetta búið, er búin að vera að reyna að baksa við lifeðlisfræðina í dag, málið er að ég bara kann ekkert að læra, er ekki enn búin að tuska mér á námstækninámskeið og þarf virkilega á því að halda ... er að auki óskipulögð með eindæmum og bara doltið úti á túni, en hef samt engar áhyggjur, ég geri bara mitt besta ... er t.d. nokkru nær um samdráttarprótein og þráðaskörun núna en í morgun ... any takers ?? maðurinn minn var að fara að keyra einkason minn í box ... sendi hann með miða til að fara í bónus líka, þetta er nú meiri lúxusinn, þarf bara ekki að gera neitt lengur ... ehe jú jú við skiptum þessu á milli okkar ... 70/30 honum í vil ... búin að fara á 2 gsa og einn aa fund (eða voru þeir tveir?) í þessari viku og það er strax munur á sálartetrinu, orðin ritari í mánudags gsa og þriðjudags er auðvitað heimadeildin mín og svo ætla ég að kýla á fimmtudagsfundina í nokkrar vikur ... allir með? ó mæ god hvað þetta er leiðinleg færsla, kaffi og sígó í pottinum fyrir þann sem nennti að klára hana ... góðar stundir

lazy boy

sit í lazy boy, vísa út í horn, með sæng, tónlist í eyrum og er að læra ... er í pásu ... hún er búin

vá hvað það er skrýtið

að hlutirnir eru bara allt öðruvísi en ég held ... alltaf ... ég er svo vön að hlaupa þegar eitthvað er ekki eins og mér hentar ... en á síðustu árum hefur mér lærst að það er hægt að fara í gegnum hlutina og vera á staðnum, stundum er þetta bara spurning um að þrauka, en oft er líka gaman ... lokaniðurstaðan er samt alltaf sú að það sem mér FINNST hefur ekkert  með raunveruleikann að gera ... og fyrir vikið er ég hamingjusöm, glöð og frjáls í dag ... ég geri það sem þarf að gera, læt annað eiga sig ... og þá er bara allt gott ... ég elska lífið mitt ... þó ég sé í tveimur peysum, tvennum buxum flíssokkum með trefil að lesa á bókhlöðunni, sem hlýtur að vera kaldasta hús á íslandi ... en ég geri það sem þarf að gera og þessvegna er allt í lagi ... þessi ofurdjúpa færsla var i boði dómínós