minna pirruð

því ég svaf vel ... talaði við sponsör og fæ meira að borða, langar ekkert í það en þarf þess ... bumbubúi ræður ! er að læra fyrir ónæmis og meina sem er á morgun ... ekki svo spennt fyrir því en þeim mun spenntari fyrir því þegar lyfjafræðin er svo búin á mánudaginn ! sonur minn bíður líka spenntur þar sem ég er búin að lofa honum að þá hætti ég að vera pirruð og fari í jólaskap ! takk í dag

pirringur

ég er eitthvað undirlögð af pirringi ... er í prófum, svo það hefur kannski eitthvað að segja, er svo að fatta að ég er sennilega líka bara svöng ... spurning hvort barnkrakkinn er farinn að taka meira til sín en áður, sem væri algjörlega lógískt þar sem þetta er nú farið að slaga í hálfan metra þarna inni í mér ... þetta skilar mér svo því að ég hef allt á hornum mér, er ekki húsum hæf og hundleiðinleg við þá sem ég elska mest (og margfalt verri við þá sem ég elska ekki neitt) ... er á leiðinni á fund, ætla svo að tala við sponsorinn minn um matarskammtana, trúlofunarhringurinn er orðinn of stór á mig, það segir mér að eitthvað er ekki alveg eins og það á að vera hmmm ... samt langar mig ekkert í meira að borða sko, hausinn minn segir ekki meir ekki meir, en ég má ekki hlusta á hann ... biluð plata með lausa skrúfu ... takk í dag

o jæja

arfaslakt gengi í prófinu í morgun, get ekki skrifað það á neinn nema mig sjálfa mig ... ekkert fúl, tek þetta bara aftur í haust (nenni ekki í upptökupróf í janúar) og er núna byrjuð að læra fyrir ónæmis og meinafræði sem er á fimmtudaginn, heilir tveir sólarhringar í undirbúning húrra ... meira seinna

það styttist ...

...

í prófið ... það er á þriðjudaginn

í jólin ... þau eru eftir einhverja daga

í barnið ... styttra þangað til það kemur en síðan það kom í bumbu

ekki í mér þráðurinn ... hann lengist og lengist með meiri nálægð við minn æðri mátt

í að einhver fari að sjá í gegn um það að ég þykist vera að blogga eitthvað über merkilegt svo ég þurfi ekki að vera að læra 

 

ég skulda ...

... reyndar engum neina peninga

en ég á skuld að gjalda samtökunum sem tóku á móti mér og björguðu lífi mínu ... þess vegna segi ég ekki nei ... ég segi kannski æi ... ég segi kannski en ég þarf svo mikið að læra ... en ég segi ekki nei ... 

ég lét klukkuna hringja klukkan níu til að ná að læra smá slatta áður en ég fer á fundinn ... en hef greinilega bara slökkt í staðinn fyrir að snúsa og svaf þessvegna til tíu ... nú er klukkan hálfellefu og mig langar agalega mikið uppí til ellefu ... ætli nokkur taki eftir því ?

vaknaði í morgun með viðbjóðslegan sinadrátt í hægri kálfanum, er ennþá með þann vinstri krepptan síðan í síðasta drætti ... annaðhvort þarf ég að fara að skríða á hnjánum eða hætta að drekka pepsi max ... já eða taka bara kínín

hor-móna-lísa

það má ósköp lítið gerast í dag því þá bara fer ég að gráta ... skiptir ekki máli hvort það er gott eða vont, ég bara fer að gráta, yfir öllu, alltaf ... ég er ótrúlega þakklát í dag, þakklát fyrir að hlutirnir eru ekki eins og ég held að þeir séu, þakklát fyrir að vera ég, þakklát fyrir að vera elskuð, þakklát fyrir að þetta er bara ekki í mínum höndum ... dásamlegt að lifa

þreytt

ég fann það út í gær að það borgar sig ekki að sleppa fundi og sundi, þannig að ég dreif mig í bæði í dag, fór svo út á háskólatorg og lærði í  nokkra klukkutíma, er alveg glær af þreytu núna ... gerði mjög mikilvæga en jafnframt sorglega uppgötvun í morgun ... fékk þennan ógeðslega sinadrátt í morgunsárið og tengdi um leið ... ég var að drekka pepsi max í gærkvöldi, koffínið í því hefur þvagræsandi áhrif og þegar maður/kona pissar mikið er um leið verið að skola út steinefnum og þá fær maður/kona sinadrátt ... ég ætla að kaupa mér vítamín og steinefni á morgun, ég finn að ég er doltið þreytt af litlu, þó ég borði frekar hollan mat og mikið grænmeti ... ég þarf líka að bæta mig í vatnsdrykkjunni, var alveg eins og rúsína þegar ég kom uppúr lauginni í dag og það segir mér að ég sé þurr að innan ... en það er nú með þetta eins og svo margt annað ... auðvelt um að tala en erfiðara í að komast ... enda ég með pmax glas á náttborðinu við hliðina á mér í þessum töluðu orðum ...

örverur

búin í fyrsta prófinu ... svaraði öllu en var heldur betur spæld þegar ég sá að það ver ekki ein spurning lík þeim sem voru í gömlu prófunum sem ég var búin að læra utanbókar ! eníhú, reikna ekki með að ná þessu, nema ég hafi verið heppin ... nú er það bara lífeðlisfræðin næst, hef fjóra daga í hana, eins gott að bretta upp skálmar ...

er fólk alveg að tapa sér ...

texti undir mynd á visir.is ...

"Angelina á von á sínu fjórða barni (það er að segja fjórða barnsins sem verður til í getnaði milli karls og konu því hún og Brad Pitt eiga jú einnig þrjú ættleidd börn)."

... Ætli þau börn hafi orðið til einhvern veginn öðruvísi en í getnaði milli karls og konu ???

... Þið hljótið að vera að grínast ... ætli maður þurfi einu sinni að vera læs til að fá að skrifa fréttir ??

jæks nú verð ég að fara að læra, er fullmikið að hella mér í prófarkalestur netmiðla, það telur ekki í örveru og sýklafræði ... kannski er ég á rangri hillu ??

ást

elín

einu sinni langaði mig ...

 

 

... til að vera eins og Daryl Hannah, það var þegar ég horfði á kill bill ... nú langar mig ekkert að vera eins og hún, finnst hún sjúskuð á þessari mynd og ekki batnar álitið að vita af henni í slagtogi við klikkó watson ... mig langar bara að vera ég ... sybbin í lopapeysu eins og ég er núna !

 

 

Ætla að trufla hvalveiðar